30.4 C
Haïti
août 7, 2022
Eguens Infos Culturelles
Acutalités

Ak  » Bout teren » Atis Balendjo kònen lanbi soufrans pèp la nan zòrèy otorite yo

Chak moun itilize mwayen ki pi apwopriye pou fè yon mesaj pase, sitou mesaj ki eksprime soufrans yo. Atis yo, se vwa yo ,enstriman yo, ki sèvi yo kanal pou pale nan non pa yo ,ak moun ki renmen mizik.

Rosilus Fredo ,ki sòti Abraham nan katriyèm seksyon miragwan, nan depatman nip, se premye pitit nan yon fanmi 5 pitit. Atis la ki fè klas li nan lise petyon,etidye tou syans jiridik nan lekòl dwa gonaives. Sou kote tout koze sa yo, jèn gason sa ,itilize bwa gita li , pou denonse ,felisite , sa li ap obsève nan sosyete a, li pwopoze kèk solisyon tou nan mizik li yo.

Aprè premye albòm li ki te parèt 28 jen 2016, ki gen 10 mizik sou li , mizisyen an sòti 2 lòt mizik ki gen pou tit , » nou tout paka ale  » , « fòn pale » epi plizyè mereng kanaval sòti nan lane 2009 pou rive 2019.

Aprè atis la , di  » nou tout pa ka ale »  » Fòn pale » , li sezi konstate moun lap di yo pa ale yo, fò’n pale yo, pran nan  » BOUT TEREN « .

Nan Mizik sa kap sòti samdi 30 jen a 7 tè nan aswè, chantè a,nan yon entèvyou li bay  » Eguens Infos Culturelles Mèkredi 27 avril la fè konnen li rele mizik la konsa paske

 » tèm bout tèren an, jan yo konn di nan foutbòl la, ekip la bay lòt ekip la bout tèren.Mwen itilize menm tèm sa, pou mwen dekri, jan ensekirite a ap vale tèren , tout moun gen yon limit parapò ak chak zòn li ye.Moun kafou paka travèse matisan ,moun bèlè paka desann lasalinn, jis tout moun nan peyi a ,paka di yo pwale nan tel zòn menmsi yo te gen yon zanmi yo nan zòn lan. Mesaj mwen voye nan mizik sa, Mwen soulve kòlèm nan zòrèy leta a ,ki pa janm vle fè anyen pou pèp la ka viv an pè , pou yo kapab chèche lavi ,pou timoun yo kapab ale lekòl. Vann san sa kap koule la, ak ensekirite kap taye banda a , se fòt leta ,epi mwen mande pèp la ki chita kap gade pou yo frape pye yo atè, pou yo di Abraham di sètase ,yo bouke viv konsa. »

Yon lòt kote ,konpozitè a fè konnen  » oui mwen se yon atis kap viv tout sa kap pase nan peyi a tou. Menm mwen kòm atis,mwen pran nan bout tèren, gen kote mwen paka ale. Gen lè mwen paka mache. « 

Pou sa ki gen pou wè ak atann li , sou soti mizik  » BOUT TEREN » an , Atis angaje a deklare  » Bon se yon bèl mizik ak yon bèl tèks ,mizik la pale kòz popilasyon an ,tout sa ki di nan mizik la se pawòl pèp la.Mwen espere ,yo apresye li .Mwen swete tou medya yo ap pase li, pou mesaj la kapab rive pi lwen toujou.

Poze li kesyon ,sou evalyasyon li fè sou tèt li , depi lap fè mizik, jèn chantè fè konnen  » jan mwen wè tèt mwen kounya ,mwen pran anpil matirite ,mwen vinn gen plis moun kap swiv mwen sou rezo sosyal yo,mwen gen anpil moun nan lòt peyi ki toujou ap ekri’m ,felisitem pou travay mwen ,epi kap ankouraje mwen, pwodwi plis. An ayiti mwen kòmanse jwenn anpil lòv nan sosyete a, kounya mwen rete pou mwen afiche plis, pou mwen fè mesaj mizik mwen yo, ale pi lwen toujou .

Nap souliye , Atis Balendjo fè remake li renmen John Steeve Brunache ,ak Jean Belony Murat a.k.a Belo anpil ,ki se 2 atis ankaje, sa yo rele nan lang fransè a  » Chanteurs à textes ».

Eguens Renéus.

Articles Similaires

Jean Emmanuel Jacquet visite la bibliothèque Soleil à Carrefour Feuilles

Eguens Infos Culturelles

Citation du jour

Les mots de gratitude de Rose lumane Saint Jean au peuple Haïtien

Eguens Infos Culturelles

Laisser un commentaire

%d blogueurs aiment cette page :